Një ngjarje e rëndë ka ndodhur sot në Berat, ku një 40-vjeçar është vetëplagosur me thikë.
Ngjarja ka ndodhur në lagjen “28 Nëntori”, në banesën ku jetonte 40-vjeçari i vetëplagosur Bledar Mbrakulli. Dyshohet se Mbrakulli vuan nga probleme të shëndetit mendor dhe se kjo nuk është hera e parë që ai ka lënduar veten. Sipas burimeve nga vendngjarja, mësohet se mesditën e sotme ai ka marrë një thikë nga kuzhina dhe ka goditur veten në krah.
Pas kësaj, familjarët e kanë transportuar drejt Spitalit Rajonal Berat, ku pasi ka marrë ndihmën mjekësore është larguar drejt banesës.
