Dy automjete janë djegur plotësisht mëngjesin e sotëm në lagjen nr.1. Siç bëhet me dije, automjetet kanë qenë në pronësi të Ariol Broshkës.
Sipas njoftimit të policisë në lagjen nr.1 ra një zjarr dhe u dogjën automjetet, por ende nuk dihet shkaku i rënies së zjarrit.
Grupi hetimor është në vendngjarje dhe po heton rrethanat e rënies së zjarrit.
Cërrik/Informacion paraprak
Në orët e para të mëngjesit të sotëm, në lagjen nr. 1, ka rënë zjarr dhe janë djegur pjesërisht 2 automjete të parkuara, në pronësi të shtetasit A. B., 31 vjeç, banues në Cërrik.
Grupi hetimor vijon punën për përcaktimin e shkaqeve të rënies së zjarrit.”, thuhet në njoftimin e policisë.
