Robert Aliaj ka kritikuar shpesh politikanët shqiptarë, nga të cilët ka marrë edhe telefonata.
Nga pjesëmarrjet e tij në emisione të ndryshme, jep opinionin e tij hapur duke mos u frikësuar nga ajo çfarë mund të ndodhë më pas.
I ftuar në emisionin ‘Mos i fol shoferit’ nga Rudina Dembacaj, Roberti ka pranuar se i ka ndodhur që ta telefonojnë politikanët për ta pyetur nëse ka diçka personale.
“Më kanë ftuar për darkë për të më thënë çfarë halli ke. Kam ngrënë darkë dhe i kam thënë se nuk kam asnjë hall. Ka kaluar shumë mirë situata,” – tha artisti duke shtuar se ka vazhduar me komentet e tij.
Robert Aliaj ka arritur në përfundimin se është politika shqiptare ajo që ka fundosur Shqipërinë.
