Hysen Pici do të vijojë të qëndrojë në burg, nën akuzë për aksidentimin e dy efektivëvë të policisë në zonën e Currilave, në Durrës.
Ndërkohë, përpara autoriteteve ai është shprehur i penduar, ndërsa është justifikuar se nuk ndaloi për shkak se në automjet kishte armë dhe nuk donte që policia ta kapte.
“Më vjen shumë keq për gjithçka ndodhi. E di që bëra gabim që u futa kundravajtje, por s’kishte makina dhe mendova t’i bija shkurt. Në këtë moment më dolën policia përpara. Më kapi paniku sepse kisha armë me vete dhe tentova të largohesha me qëllim mos të më kapnin me pistoletë. Më vjen keq edhe për efektivin e lënduar, nuk doja ta godisja. Kam qenë vetëm në makinë.”- mësohet të ketë deklaruar ai.
Pici aksidentoi me dashje një efektiv policie ditën e enjte në mbrëmje pasi refuzoi t’i ndalonte patrullës policore të ngritur në lagjen numër 1, ku shtetasi në fjalë u kap në flagrancë duke ecur me shpejtësi në kundravajtje me mjetin e tij tip Range Rover të bardhë.
Pavarësisht dëshmisë së tij, autoritetet dyshojnë se bashkim e të në makinë po udhëtonte dhe Aldo Avdylaj, i shumëkërkuari i policisë që është anëtar i bandës së Shijakut. Mendohet se pasi aksidentuan dy efektivët, Pici dhe Avdyli u ndanë për t’u arratisur më këmbë nga vendi i ngjarjes duke braktisu makinën. Megjithatë, Pici nuk ja doli dhe përfundoi në duart e policisë.
