Ministrja e shtetit për marrëdhënie me Parlamentin, Elisa Spiropali, për deklaratat e Berishës për protesta në kohën kur do të mbahet samiti BE-Ballkani Perëndimor, tha se kreu i PD duhet dënuar me injorim.
“Ai që ka damkën nga SHBA, Britania edhe mbase shumë shpejt BE thotë do bëj protestë që të na shohë BE.
Por çfarë të shohë BE që kemi njerëz që vënë interesin e vet para atij të vendit?
Për këtë shprehje Berisha duhet dënuar me injorim.
Sa herë bën të tilla deklarata duhet të thirret nga drejtësia, sepse nuk është mbi ligjin Berisha”, tha ajo.
