ÇFARË DO TË NDODHË ME TREGJET NGA DITA E HËNË? Rregullat që qytetarët duhet të zbatojnë, në të kundërt: Burg

Nga e hëna do të vendosen rregulla të reja në tregje, veçanërisht tek ata janë evidentuar grumbullime masive qytetarësh dhe mos respektim i distancimit social. Siç paralajmëroi kryeministri Edi Rama, në tregje do të vendosen kordon sanitarë, që konkretisht kanë të bëjnë me sinjalistikë me vetëm një kalim vendosur në formën e barrierave. Kushdo që nga e hëna nuk do të respektojë këto rregulla, do të ndëshkohet teksa kryeministri Edi Rama paralajmëroi deri në heqje lirie, pra në arrestim dhe dënim me burg jo më vetëm me gjobë. Konsideruar “delja e zezë” e Tiranës, siç edhe kryebashkiaku Erion Veliaj e quajti, tregu i Kombinatit do të mbledhë prezencën më të lartë të policisë dhe të ushtrisë, për të garantuar respektimin e masave mbrojtëse dhe distancës mes qytetarëve.