Është një nga dyshet më të preferuara të ekranit dhe shfaqen gjithmonë të pandara. Po flasim per Aulonën dhe Fatmën e “Thumb” të cilat gjithnjë tregojnë se raporti i tyre miqësor nuk është rrezikuar kurrë, edhe kur ka pasur debate pune, ato kane mbetur aty, pa shkaktuar ndonjë krisje të raportit që do përfundonte në ndarjen e tyre.
Por sot morëm vesh se spektakli “C’est la vie” ka rrezikuar disi marrëdhënien mes vajzave. Ka qenë vetë Aulona ajo e cila ka treguar një episod ku ajo dhe Fatma nuk kanë folur për dy ditë rresht.
Siç Aulona tregoi në post-C’est la vie, ajo dhe Fatma nuk folën për dy ditë sepse një ditë ishin bërë shumë vonë teksa shkonin për të xhiruar një puntatë të C’est la vie-es e teksa Aulona ishte alarmuar nga fakti që ishte vonë, Fatma kishte dashur të bënte edhe disa foto para transmetimit çka i kishte nzehur e më shumë gjakrat. Vajzat treguan se ato duhet të performonin të parat atë natë e ndonëse ishin të nxehura me njëra tjetrën, iu ishte dashur të bënin sikur s’kishte ndodhur asgjë. Gjithçka kishte përfunduar pas dy ditëve ku Fatma i ka dërguar një mesazh të bukur Aulonës.
Vajzat kanë sqaruar se prova e miqësisë së tyre 10 vjeçare është pikërisht fakti që ato janë të vërteta me njëra tjetrën. /Blitz.al/
