Tre urdhër-arrestet për zyrtarë të akuzuar si të implikuar në çështjen Tahiri pritet të ekzekutohen nga policia.
Burimet bënë të ditur se tashmë urdhër-arrestet e Prokurorisë kanë mbërritur në polici.
Urdhër-arrestet bazohen në hetimet që ka kryer Prokuroria e Krimeve të Rënda në lidhje me dosjen Habilaj, ku rezulton i përfshirë edhe ish-ministri i Brendshëm, Sajmir Tahiri.
Një prej të zyrtarëve për të cilën është lëshuar urdhër-arrest nga prokuroria është ish-drejtori i Policisë së Vlorës, Jaeld Çela.
Burimet bëjnë me dije se Çela është një nga 3 personat që pritet të arrestohet në këto momente, pasi fletë-arrestet janë në duart e policisë për t’u ekzekutuar. Çela ka drejtuar policinë e Vlorës nga shtatori 2014 deri në prill të 2017, ndërsa më parë ka drejtuar drejtorinë e policisë së Durrësit.
Çela u emërua në krye të Policisë Vlorë, në shtator të tre viteve më parë, kur ministër i Brendshëm ishte Saimir Tahiri. Deri atë kohë, Çela ishte në krye të Policisë së Durrësit.
Më pas, me ardhjen e Famtir Xhafës në krye të Ministrisë së Brendshme, Çela u zëvendësua në këtë detyrë. Postin e kreut të Drejtorisë Vendore të Policisë Vlorë e morri Gentjan Shehaj, i cili edhe e mban aktualisht.
Ky personazh është mjaft i njohur pas në 6 raporte të SHIHS është përfolur për lidhje me trafikantët e drogës, dhe rezulton të ketë telefonata të drejtpërdrejta me trafikantët.
Një tjetër zyrtar, që pritet të arrestohet për disa orë, është ish-drejtues në policinë e Dhërmiut. Ai është shfaqur në pamje filmike me Habilajt.
Pas largimit nga Vlora, Sokol Bode ka qenë drejtues në Policinë e Shkodrës, duke mbajtur edhe detyrën e drejtuesit të sektorit të kërkimit.
Një tjetër urdhër arresti është prerë për Gjergji Kohilën, shef i krimit të organizuar në Policinë e Vlorës, i cili dyshohet për lidhje me grupet e trafikantëve në këtë qytet.
