Kancelarja e Gjermanisë, Angela Merkel, pritet të shtrojë për diskutim çështjen e Qipros në takimin me Presidentin turk Tayp Erdogan gjatë vizitës që ky i fundit do të zhvillojë në Berlin me 28 dhe 29 shtator, theksojnë burimet diplomatike qipriote për APE-MPA.
Sipas këtyre burimeve, gjatë takimeve të Ministrit të Punëve të Jashtme të Republikës së Qipros, Nikos Christodoulides dhe homologut të tij gjerman, Haikos Maas si dhe bashkëpunëtorëve të Kancelares, u bë e qartë se Merkel synon të vendosë çështjen e Qipros në axhendën e bisedimeve me presidentin turk pasi ai ripohoi interesin e tij Berlin për një zgjidhje të qëndrueshme për problemin politik, i cili, siç është theksuar, është në interes të të gjithë rajonit.
Në lidhje me të ashtuquajturin “afrim” të Ankarasë me Evropën, vlerësohet se për shkak të krizës në marrëdhëniet me SHBA-në, është tentuar një ndryshim, por fjalët duhet të shoqërohen me veprime konkrete.
Siç kanë thënë të njëjtat burime, Berlini mbështet përpjekjen e Nicosias për të shfrytëzuar burimet e saj natyrore dhe kundërshton ngacmimet e mundshme të Ankarasë në shpimet e ardhshme, duke kujtuar konkluzionet përkatëse të Këshillit Evropian të marsit, ku Turqisë i bëhet thirrje të ndalojë veprimet agresive dhe të respektojë të drejtat sovrane të Qipros për të eksploruar dhe shfrytëzuar burimet e saj natyrore.
Qeveria gjermane, sipas të njëjtave burimeve diplomatike, i kushton një rëndësi të veçantë nismave të marra së bashku nga Nicosia dhe Athina me vendet e Mesdheut lindor, si Izraeli dhe dëshiron të shqyrtojë mundësitë e forcimit dhe zgjerimit të tyre.
