Presidenti Hashim Thaçi i ka zbutur qëndrimet e tij ndaj kryeministrit Haradinaj, sa i takon çështjes së kufirit të Kosovës.
Pas një takimi me përfaqësues të Shoqatës së Gazetarëve dhe përfaqësues të shoqërisë civile të Luginës së Preshevës, Thaçi ka thënë se “edhe kryeministri e do dhe e respekton Luginën”.
“Por, ajo që dëshiroj të them është se ideja për korrigjimin e kufirit definitivisht e shmang skenarin e ndarjes së Kosovës, idenë e Beogradit e të Rusisë, e mbi të gjitha atë të themelimit të asociacionit të komunave me shumicë serbe me elemente ekzekutive”, ka deklaruar Thaçi më tej.
