Bashkëpartiaku i Fatmir Limajt, Bilall Sherifi, ka reaguar sot pas deklarimeve të presidentit serb, Aleksandër Vuçiq, se ai nuk e pranon Limajn si udhëheqës të delegacionit të Kosovës për bisedimet me Serbinë në Bruksel, shkruan Gazeta Express.
Sherifi ka thënë se nëse Vuçiçi i jep te drejtë vetes për të zgjedhur se kush duhet ta përfaqësojë Kosovën në bisedime, atëherë edhe pala kosovare do të preferonte që delegacionin e Serbisë ta udhëhiqte politikani serb Çedomir Jovanoviq.
“Duam të bisedojmë me Çedomir Jovanoviqin dhe jo me Aleksandër Vuçiqin!”, ka shkruar Sherifi në profilin e tij në facebook.
Sherifi ka thënë se nëse Vuçiq nuk e do Limajn si kryenegociator, atëherë edhe pala kosovare nuk e dëshrion Vuçiqin si udhëheqës të bisedimeve.
“Presidenti i Serbisë Aleksandër Vuçiq i paska dhënë vetes të drejtë të na tregojë se kush duhet dhe kush nuk nuk duhet të udhëheqë delegacionin e Kosovës në bisedime me Serbinë. Duke u bazuar në të njëjtin parim edhe Kosova do të kishte të drejtë të vendosë se kush duhet dhe kush nuk duhet të udhëheqë delegacionin e Serbisë.Nëse Vuçiqi nuk e don Limajn për kryesues të delegacionit të Kosovës por Thaçin atëherë edhe ne e duam politikanin serb Çedomir Jovanoviç për kryesues të delegacionit të Serbisë dhe jo Vuçiqin!”, ka përfunduar Sherifi.
