Ministri i Punëve të Jashtme të Serbisë, Ivica Daçiç, ka folur rreth vizitës së mundshme të presidentit Hashim Thaçi në Luginën e Preshevës.Daçiç këtë e ka quajtur s’i lajm të rrejshëm.
“Thaçi me siguri nuk do ta vizitojë Preshevën, ky është lajm i rrejshëm” ka thënë shefi i diplomacisë serbe.
Sipas tij ky lajm është përhapur për të larguar vëmendjen nga vizita e ‘suksesshme’ e Aleksandër Vuçiçit në Kosovë.
“Është një lajm i rrejshëm që u publikuar për ta larguar vëmendjen nga vizita e suksesshme e Vucicit në Kosovë”, ka thënë sot Daçiq për TV Pink, transmeton Gazeta Express.
Kujtojmë se vizita e Vuçiçit në Kosovë u përcoll me një varg reagimesh e tensionesh. Në fillim atij nuk iu lejua që ta vizitonte Liqenin e Ujmanit, por më pas Ministri i Punëve të Jashmte të Kosovës, Behgjet Pacolli, i kishte lejuar ta vizitojë edhe atë pikë pas presionit të Bashkimit Evropian.
Vucic nuk u lejua që të shkojë për vizitë në fshatin Banjë të Skenderajt, ku qindra qytetarë ishin organizuar duke e bllokuar rrugën që dërgonte për në atë lokacion.
Vucic ishte detyruar të kthehej mbrapa, pa shkelur aty ku regjimi i mësuesit të tij Sllobodan Millosheviq kishte kryer krime makabre.
Ndërkohë kujtojmë që gjatë fjalimit tek Ujmani, Vuçiq kishte bërë edhe një deklaratë skandaloze, duke e lavdëruar Sllobodan Millosheviqin.
Një gjë e tillë kishte nxitur reagime të mëdha në vend.
