Mediat greke nuk përjashtojnë mundësinë e një takimi të ri mes kryeministrit të Maqedonisë Zoran Zaev dhe atij grek Aleksis Tsipras.
“Huffingtonpost” duke u thirrur në burime diplomatike, paralajmëron intensifikim të bisedimeve duke mos përjashtuar që deri ne mesin e muajit shkurt të përpilohet edhe draft marrëveshja ndërkombëtare rreth zgjidhjes së kontestit për emrin e Maqedonisë. Sipas ‘Huffingtonpost’, fillimi i muajit mars mund të jetë vendimtar, kur edhe pritet të dihen rezultatet e negociatave për emrin.
Duke u bazuar në burime diplomatike, mediat greke raportojnë se Qeveria greke është për propozimin “Gorna Makedonija” ndërsa ajo maqedonase për “Nova Makedonia”. Megjithatë, ndërmjetësi i OKB-së, Metju Nimic ka hedhur poshtë zërat se palët janë përcaktuar për opsionet e mundshme.
