Kryetarja e komisionit të politikës së Jashtme, Mimi Kodheli ka thërritur në seancë dëgjimore në komision Ministrin për Europën dhe Punët e Jashtme, Ditmir Bushati.
Ministri i Jashtëm Ditmir Bushati do të jetë nesër në seancën dëgjimorë në Komisionin e Jashtëm. Bushati do të raportojë për marrëveshjen me detin.
Në komision do të jetë edhe Armand Skapi kryesuesi i negociatave mes Shqipërisë dhe Greqisë, si dhe Glevin Dervishi, këshilltar i Bushatit i cili ka ndjekur edhe negociatat me Kotzias në Kretë dhe Korçë.
Mësohet se në këtë komision do të raportojë pretendimet teritoriale të Greqisë.
Kjo është hera e dytë brenda më pak se një muaji që Kodheli thërret Bushatin në seancë dëgjimore përpara Komisionit parlamentar të Politikës së Jashtme, për marrëveshjet me Greqinë.
Komisioni për Politikën e Jashtme
Ora 10.00
Në rend të ditës:
Seancë dëgjimore me Ministrin për Evropën dhe Punët e Jashtme SH.T.Z. Ditmir Bushati mbi kërkesën Nr. 609, datë 16.02.2018 (lidhur me marrëveshjen Shqipëri – Greqi për delimitimin e shelfit kontinental dhe të zonave të tjera detare).
Çështje të tjera.
Të ftuar:
Z. Ditmir Bushati, Ministër për Evropën dhe Punët e Jashtme
Z. Glevin Dervishi, Keshilltar i Ministrit
Z. Armand Skapi, Drejtor i të Drejtës Ndërkombëtare dhe Evropiane. /AlpeNews.al
