Edinson Cavani i është betuar për besnikëri Paris Saint-Germain. Në një intervistë të dhënë për “Daily Telegraph”, 30-vjeçari uruguaina ka zbuluar dy objektivat e tij.
“Dua ta mbyll karrierën te Paris Saint-Germain dhe të fitoj Champions League me këtë klub”, ka thënë ai. Në lidhje me gjërat që ka qejf të bëjë dhe që nuk kanë lidhje me futbollin, “Matador”-i ka shpjeguar se:
“Peshkimi më ndihmon shumë si futbollist, sepse duhet të presësh momentin e duhur për të sulmuar, në mënyrë që ta kapësh peshkun. Është ajo që duhet të bëjë një sulmues, të presë momentin e duhur për të goditur. Duhet të kesh durim dhe të jesh i vëmendshëm ndaj detajeve”.
