Një ngjarje e pazakontë, por edhe frikshme në të njëjtën kohë ka ndodhur në Francë. Mediat franceze raportojnë se një gropë prej pesë metrash e thellë dhe 10 metrash e gjerë është hapur papritur në qendër të qytetit Amiensit.
Po ashtu e ditur bëhet se kjo gropë është parë nga një patrullë e policisë. Mësohet se gjashtë dyqane që ndodheshin aty pranë janë detyruar të mbyllen, ndërsa banorët e disa shtëpive që ndodheshin aty afër janë evakuuar.
Por më e çuditshmja në gjithë këtë histori është se ka pasur shumë persona që shkonin në vendin, ku ishte hapur gropa vetëm për ta parë dhe më pas bënin foto, për t’i shpërndarë në rrjetet sociale.
Në këtë qytet francez ka shumë banesa të vjetra dhe po ashtu ka edhe shumë rrënoja galo-romake. Janë ekspertët ata që do të vendosin se si do të zgjidhet kjo situatë dhe se si do të mbyllet gropa që është hapur.
Nga ana tjetër zyrtarët lokalë shprehen se janë të kënaqur që nuk ka pasur asnjë të lënduar. Por nëse gropa do të ishte hapur në një orë tjetër të ditës dhe jo në mes gushtit ku shumica e persona janë me pushime bilanci do të kishte qenë shumë tragjik.
