Ministrja e Mbrojtjes Olta Xhaçka e pranishme në Komisionin e Sigurisë për të diskutuar për buxhetin e vitit 2018 tha se ky projekt buxhet do të sigurojë vazhdimësinë e zhvillimit të reformës së mbrojtjes. E ndërsa për çështjen e Radarëve tha se po hidhet baltë mbi Forcat e Armatosura.
“Forcat e armatosura te Republikes se Shqiperise po kryejnë me devotshmëri dhe profesionalizëm misionin dhe detyrat per ruajtjen e sovranitetit te hapësirës detare, ne rastin konkret. Sistemi i vëzhgimit te hapësirës detare eshte plotesisht funksional dhe ne gatishmëri te plote operacionale. Sistemi punon pa ndërprerje dhe personeli ushtarak punon 24 ore ne dite, 7 dite te javës per te zbatuar detyrën,” deklaroi Xhaçka.
“Qendra Ndërinstitucionale Operacionale Detare që ka për detyrë dhe mision të sigurojë vëzhgimin e hapësirës detare funksionon me ndërveprimin e institucioneve shteterore qe kane përgjegjësi dhe interesa ne hapësirën detare dhe ne QNOD ka perfaqesues nga 7 institucione te cilët koordinojnë me njeri-tjetrin sipas fushave te përgjegjësisë.
Nëse dikush këtu , ka informacion , te dhëna, apo çfarëdo gjeje tjetër, dërgojeni ne organet e hetimit. Ju kërkoj të mos hidhni baltë mbi ushtaraket , qe janë njerëzit e përkushtimit dhe sakrificës.
Mbetem e hapur për çdo seancë , të çdo formati lidhur me këtë çështje. Sot kam ardhur për buxhetin” shtoi Xhaçka.
