Athina u trondit mbrëmë, pasi një çift shqiptar ishin shënjestra e një atentati me armë zjarri.
Mësohet se si pasojë e sulmit, bashkëshorti 32-vjeçar ka mbetur i vrarë, ndërsa bashkëshortja 37-vjeçare është plagosur. Identiteti i viktimave nuk është bërë ende publik, teksa raportohet se ata ishin në makinë e tyre në rrugën Mesologjiu, kur autorët u afruan me motor dhe hapën zjarr.
Ndërkohë, këto janë dhe pamjet nga vendngjarja ku shihen forca të shumta policie. Sipas mediave vendase, gruaja është dërguar në spital ku është në gjendje të rëndë.
