Emisioni “Historia ime”, solli ditën e sotme historinë e një gruaje 35-vjeçare nga Tepelena. Suzana tregoi se kur djali ishte 2 muajsh, u diagnostikua me paralizë cerebrale. Sapo mësoi këtë burri vendosi të divorcohej dhe e braktisi bashkëshorten me djalin. 35-vjeçarja tregoi në studio vështirësitë për rritjen e djalit të saj të sëmurë dhe rrëfimi i saj ka emocionuar edhe drejtuesen e emisionit, Mirela Milori e cila nuk i ka mbajtur dot lotët.
Mirela Milori: Si është dita jote?
Suzana: E lodhshme punoj në rrobaqepsi, 8 orë janë oraret bazë, punoj dhe me orë shtesë.
Mirela Milori: Që të paguhesh më shumë?
Suzana: Po, që të arrij të marr diçka më shumë. Shkoj në shtëpi merrem me çunin. Më pret duke qeshur sa më dëgjon zërin. Se kur i flet arrin të kuptojë, kur je e mërzitur, ai i mërzitur, kur i qesh fillon qesh dhe ai. Natën pastaj prapë rri me të, sidomos fillimet kanë qenë dhe natë dhe ditë i rrija pranë, se nuk e zinte gjumi nga krizat. Tani kanë rënë, por prapë ka ato shqetësimet e veta.
Mirela Milori: Ti je shumë e re, ke menduar të kesh një martesë tjetër si e sheh?
Suzana: Kam patur shumë frikë për një lidhje tjetër.
Mirela Milori: Po pse?
Suzana: Jam lidhur shumë pas djalit.
Mirela Milori: Ndoshta një lidhje që të ndihmojë dhe ty dhe djalin?
Suzana: Se kam menduar, kam patur kërkesa, por s’kam pranuar!
Mirela Milori: Do ta vazhdoj rrëfimin natyrisht me Suzanën, por të marrim pak veten se na emocionove!
