Një tregtar i dyshuar droge ndodhet në paraburgim për ditën e 34-t, ndërsa policia bën kërkesa për zgjatjen e paraburgimit pasi nuk ka “gjetur ende provën” që do ta fajësonte atë.
Më parë këtë javë, më 19 shkurt, Lamarr Chambers u paraqit në Gjykatën e Chelmsford, Britani, ndërsa policia aplikoi për një urdhër tjetër, që do të thotë se ai do të qëndronte në paraburgim për pesë ditë të tjera.
Vendimi vjen pasi ai ka “mbajtur lëvizjet e zorrëve” për pothuajse pesë javë të plota, ndërsa dyshohet se ka gëlltitur kokainën për ta fshehur në momentin që është arrestuar nga policia.
Por, ndërsa policia e Essex mund t’i ofrojë Z. Chambers të gjitha mjetet e mundshme për ‘ta ndihmuar atë të dalë jashtë”, ata nuk mund ta detyrojnë atë që të marrë ndonjë ilaç.
Duke folur në emër të gjykata, Kathy Wilson QC tha: “Z. Chambers nuk ka dalë si duhet në tualet për rreth 33 ditë.
Duhet të mendoni nëse ai nuk është duke marrë ushqim të mjaftueshëm për të penguar kapjen e provave të policisë.
Ai është duke u kujdesur më shumë se policia Essex. Atij i janë ofruar lëngje dhe ushqim”.
