Nuk kanë të sosur ngjarjet tragjike me minatorët në minierat e Veriut.
Pas vdekjes së një minatori ditën e djeshme në një minierë në Mat, një tjetër ka gjetur vdekjen ditën e sotme, këtë herë në Bulqizë.
Siç bëhet me dije, 52-vjeçari Angjelosh Shahini ka gjetur vdekjen ditën e sotme, teksa ka qenë duke vendosur një sasi lënde eksplozive.
Por në punë e sipër, ajo ka shpërthyer, duke e lënë të vdekur në vend. Lidhje me këtë ngjarje, policia ka nisur hetimet për të zbardhur rrethanat e plota të aksidentit.
