Një 23 vjeçar ka përndjekur për një kohë të gjatë një bashkëfshataren e tij, por pasi familja e saj kishte marrë informacion kishin nisur konfliktet. Sipas informacioneve nga Policia prindërit e saj kanë bërë vetëgjyqësi duke fyer dhe kanosur gjyshin e 23 vjeçarit. Për këtë gjë polica ka referuar materialet për dy shtetasit që kanë kanosur 66 vjeçarin.
Njoftimi nga policia
Më datë 07.11.2017, u referuan materialet në Prokurorinë e Rrethit Gjyqësor Dibër, për shtetasit D.K., dhe E.Gj, vjeç 45 e 51, banues në fshatin Dovolan e Peshkopi, pasi dyshohet se më datë 06.11.2017, rreth orës 12:00, në fshatin Çerenec, me vetëgjyqësi, kanë kanosur e fyer, shtetasin Sh.I, vjeç 66, banues në Çerenec, Bulqizë, me pretendimin se nipi i tij shtetasi L.L, vjeç 23, ka përndjekur shtetasen B.K vjeç 20, banuese në Peshkopi. Nenet 277, 84 dhe 25 të Kodit Penal.
