Bullgaria ka fituar Eurovision Song Contest (ESC) në Vjenë. Këngëtarja Dara me këngën e saj ritmike “Bangaranga” fitoi si votimin e jurisë ashtu edhe atë të publikut dhe u renditur përpara Izraelit, që zuri vendin e dytë . E pyetur se çfarë do të thotë “Bangaranga”, Dara tha se bëhet fjalë për një ndjesi, për një energji të veçantë dhe për idenë se “gjithçka është e mundur”. E treta u rendit Rumania, Australia e katërta. Shqipëria zuri vendin e 13-të.
Bullgaria u rikthye këtë vit në ESC pas një pauze trevjeçare. Kjo është fitorja e parë për vendin e Europës Lindore në këtë konkurrim, dhe vitin e ardhshëm Bullgaria do të jetë organizatore e ESC-së. Pas fitores, Dara tha se kjo nuk është një arritje vetëm për të, por për gjithë skenën artistike në Bullgari. “Do ta organizojmë ESC-në në Sofje dhe duhet të përgatitemi që t’i presim të gjithë ata njerëz.”
Përfaqësuesja gjermane Sarah Engels u rendit në vendin e 23-të me këngën “Fire”, duke u pozicionuar kështu e treta nga fundi
