Gianluiggi Buffon është njeriu i rekordeve: portieri i Juventus-it mban rekordin e pathyeshmërisë në kampionatin italian (974’ pa pësuar gol) dhe është gjithashtu lojtari me numrin më të madh të prezencave me kombëtaren italiane (173).
Një histori, ajo e Buffon me fanellën e kaltër, e cila ka nisur 20 vjet më parë, në 29 tetor 1997: me rastin e ndeshjes së vajtjes në play-off për Botërorin e 1998-ës mes Rusisë dhe Italisë në Moskë, që u mbyll 1-1.
Numri 1 i skuadrës bardhezi hyri në fushë në minutën e 32′-të për të zëvendësuar të dëmtuarin Pagliuca: pësoi golin e barazimit të rusëve në minutën e 52’, një autogol i pafat i Fabio Canavaro-s, pas avantazhit të të kaltërve me anë të Christian Vieri-t.
Tashmë në nëntor një tjetër play-off, ku Italia do të jetë sërish protagoniste kërë herë përballë Suedisë, Një takim ku dështimi është absolutisht i papranueshëm, për të shmangur moskualifikimin në Botëror, gjë që nuk ndodh që nga viti i largët 1958.
Ditë më parë kanë ardhur elozhe nga Daniele De Rossi për Buffon: “Komplimente për arritjen, një nga të shumtat për ty. Unë kam 12 vjet me kombëtaren dhe më duken një pafundësi, imagjino 20 vjet, janë diçka e papërsëritshme. Jam një nga lojtarët me më shumë prezenca në kombëtare dhe jam krenar për shokët që kam pranë, por mbi të gjithë për ty që je në krye”.
Me Italinë Buffon ka fituar Botërorin e 2006-ës përballë Francës (në Gjermani), një ndeshje e cila u vendos nga penalltitë, 5-3 për Axurrët.
