Brexit duket se ka sjellë mjaft përfitime, jo vetëm politike por edhe ekonomike, për liderin e partisë po me të njëjtin emër.
Në llogarinë e Nigel Farage shkojnë 33 mijë euro çdo muaj, për shkak të shfaqjeve të tij publike me qëndrime kundër Bashkimit Europian.
Mediat britanike kanë zbuluar se këto para shkojnë në xhepat e politikanit euroskeptik me anë të kompanisë së tij të marrëdhënieve publike.
Farage drejton një emision në një radio të Britanisë dhe shpeshherë ftohet si analist nga Fox News në SHBA për të sulmuar BE-në.
Gjithashtu shfaqet edhe në ekrane të tjera kontroverse, si ai i “Russia Today”, që konsiderohet i lidhur me Kremlinin.
