Mbrëmjen e sotme rreth orës 20:00 ka ndodhur një përplasje me armë zjarri mes bandave në aksin Bulqizë-Peshkopi. Raportohet se autorët kanë qëlluar me armë në drejtim të një mjeti. Burimet mediatike bëjnë me dije se nga të shtënat nuk ka asnjë të plagosur. Gjithashtu bëhet me dije se ngjarja ka ndodhur në vendin e quajtur Peladhi dhe është qëlluar në drejtim të mjetit të Fadil Ternovës. 29 vjeçari Fadil Ternova mban rekorde të theksuara kriminale dhe penale.
Sipas policisë drejtuesi i automjetit nuk ka ndaluar por është larguar nga rruga që lidh fshatin Godvi me fshatin Peladhi, rreth 500 metra nga vendi i ngjarjes e më pas ka lënë automjetin në anë të rrugës, dhe ka njoftuar Policinë. Drejtuesi i automjetit levizste i vetëm me automjet. Në vendin e ngjarjes janë sekuestruar disa gëzhoja. Nga kqyrja paraprake e automjetit janë dalluar dy shenja plumbi.
Forca të shumta policore të mbështetura dhe nga forcat e policisë së Drejtorisë Vendore Dibër, kanë ngritur pika të shumta kontrolli, po krehin zonën për identifikimin dhe kapjen e autorit/ëve.
Në lidhje me këtë ngjarje po hetohet intensivisht, pasi personi i dëmtuar mbart rekorde të theksuara kriminale dhe penale./AlpeNews.al/
