Një ngjarje e rëndë është shënuar sot në Novoselë të Vlorës. Një makinë është qëlluar me breshëri plumbash.
Të shtënat janë dëgjuar drejt një makine te ‘Ura e Mifolit’ në Novoselë.
Persona të paidentifikuar kanë qëlluar me breshëri plumbash në drejtim të një automjet tip “Golf”, në rrugën Fier – Vlorë pranë Novoselës.
Si pasojë e të shtënave me armë raportohet se një person është plagosur.
I plagosuri është Romarjo Aliraj dhe ndodhet në spital jashtë rrezikut për jetën.
Nuk dihen ende rrethanat e ngjarjes. Ndërsa policia ka shkuar në vendin ngjarje, ka rrethuar zonën dhe po punon për zbardhjen e ngjarjes.
