Procesi i vaksinimit ka filluar sot edhe në Fier e Vlorë, me bluzat e bardha, teksa Rama shprehet i bindur se brenda muajit mars të 2021 do jetë vaksinuar i gjithë personi mjekësor në Shqipëri.
Përmes një shënimi në facebook, Rama sqaron se në të gjithë botën janë ende 140 shtete që nuk kanë marrë asnjë dozë vaksine, ndërkohë që ne po vijojmë me bluzat e bardha e siç thotë kryeministri, po vijojmë vaksinimin e të moshuarve mbi 80 vjeç.
Kreu i Qeverisë nuk nguroi të thumbojë as opozitën, për të cilën tha se është fatkeqësi e madhe e vendit.
Shënimi i Ramës
140 shtete, ndër të cilat edhe shtete të rajonit tonë, nuk kanë marrë ende asnjë doze vaksine, ndërkohë që ne vazhdojmë vaksinimin e bluzave të bardha dhe të të moshuarve në shtëpitë e kujdesit shtetëror, si edhe personelit në shërbim të tyre
Brenda marsit do jetë vaksinuar çdo mjek e infermier, si edhe do jemi duke vijuar vaksinimin e +80 vjeçarëve, ndërkohë që jemi optimistë për marrjen njëkohësisht të sasive të tjera për të rritur numrin e vaksinimeve
Fatkeqësi e madhe e këtij vendi helmi që prodhohet pa ndalim e as turp, nga ata që e bëjnë përditë e më të ndjeshme mungesën e një vaksine kundër tërbimit të njeriut
*Vlorë, Fier
