E dimë që i ke librat pasurinë më të çmuar, por nxirri nga rafti i bibliotekës këtë fundvit dhe krijo bredhin më fantastik. S’ka nevojë fare për qindra globa e flokë borë plastike. Një palë llambushka, një pirg me libra të vendosura në formë piramide dhe miqtë do të ngelen me gojë hapur nga bredhi, por më shumë nga ideja. E sigurt që do të të komplimentojnë: jo më kot lexon aq shumë ti!







