Pas dy fitoreve të bujshme në Champions dhe La Liga, skuadra e Real Madridit ka udhëtuar drejt Abu Dhabi ku do të luajë gjysmëfinalen e Botërorit për Klube kundër Al Jazira-s.
Kjo do të jetë përballja e parë mes këtyre dy skuadrave, të cilat do të kërkojnë të marrin një fitoren e parë historike kundër njëra-tjetrës.
Real Madrid është padyshim favorit për ta fituar sfidën, por Al Jazira ka treguar se di të mbrohet shumë mirë në dy ndeshjet e mëparshme dhe mund ta bëjë më interesante ndeshjen që do të zhvillohet sot në orën 18:00 në “Zayed Sports City Stadium” të Abu Dhabit.
