Moska ka akuzuar Uashingtonin për përdorimin e fosforit të bardhë në bombardimet në Siri. Kjo vjen në kohën kur aleati i Rusisë, Siria, thuhet se po hedh bomba mbi civilët në Idlib.
Ushtria e Rusisë tha të dielën se SHBA kishte kryer sulme bombarduese mbi objektivat ushtarake në zonat civile në provincën Deir el-Zour të Sirisë duke përdorur fosfor të bardhë, sipas agjencive të lajmeve TASS dhe RIA.
“Dy aeroplanë amerikanë F-15 bënë bombardime më 8 shtator duke synuar zonën e Hajin në rajonin e Deir el-Zour duke përdorur municione fishekzjarrë me fosfor”, tha gjenerali rus Vladimir Savtchenko në një deklaratë.
“Këto sulme kanë rezultuar me zjarr të ashpër. Ne po sqarojmë informacionin në lidhje me vdekjet dhe plagosjet e mundshme”, tha ai.
Grupi xhihadist “Shtetit Islamik” (IS), të cilin SHBA-ja nën presidentin Donald Trump ka premtuar të shfarosë, ende mbizotëron në një zonë të vogël të Deir el-Zour.
Konventat e Gjenevës ndalojnë përdorimin e bombave me fosfor të bardhë kundër civilëve dhe kundër objektivave të ligjshëm ushtarakë në zonat ku popullsia është kryesisht civile.
Rusia, e cila po jep ndihmë ushtarake ndaj presidentit të saj sirian Bashar Assad, në luftën kundër një rebelimi, u akuzua në mars nga Observatori Sirian për të Drejtat e Njeriut me bazë në Britani me përdorimin e bombave shpërthyese në një ofensivë kundër fortesës rebele të Ghouta lindore pranë Kryeqytetin sirian, Damask.
