Mino Raiola ka thënë se ai dhe ylli i LA Galay janë të gatshëm për bisedime me Milanin për një transferim të suedezit në formë të huazimit, pasi tani klubi italian është me pronarë të rinj.
Zlatan Ibrahimovic i mbushi 37-vjeç gjatë javës, dhe raportet e fundit thonë se ai do të rikthehet te Milani gjatë muajit janar, aty ku ishte gjatë periudhës 2010-2012, dhe arriti ta fitojë Scuddeton.
“Për momentin nuk është një mundësi, mirëpo ne jemi të gatshëm për bisedime me anëtarët e rinj të Milanit”, ka thënë agjenti i suedezit.
“Tani në Milan janë njerëz të duhur. Asnjëherë nuk kam pasur problem me rossonerët”.
Suedezi është duke kaluar një formë të shkëlqyer në MLS, pasi deri më tani i ka shënuar 20 gola për klubin e tij, edhe pse 37-vjeçar.
Ai mund të huazohet te Milani nga janari deri në qershor, pasi liga amerikane ka pushim gjatë kësaj kohe.
