BMW lanson një edicion special të Serie-7 [Foto]

Kompania gjermane ka lansuar një edicion të ri special i quajtur ‘BMW 7 Series Black Ice’ dhe është eksluziv për tregun rus.

I ndërtuar nga BMW Individual, kjo 7-she speciale dallon me një ngjyrë të zezë metalike e cila i jep një shkëlqim të veçantë.

Edicioni ‘Black Ice’ gjithashtu përmban edhe paketën M Sport, e cila përfshin një komplet të plotë aero-kit dhe shkëlqim të zi për të zëvendësuar kromin e zakonshëm.

Pamja e brendshme vazhdon me një tapiceri lëkurë të zezë, llak piano trim dhe Alcantara gri të errët.

Ky edicion special nga BMW do të jetë i disponueshëm vetëm me kërkesa të veçanta dhe vetëm në Rusi. Por sipas analistëve, BMW Individual me siguri që do të ndërtoj të ngjajshme edhe për të tjerët, me ose pa këtë emër.