Kreu i Emergjencave Civile, Haki Çako ka sjellë informacion të detajuar mbi bllokimin e tre turistëve të huaj në Kanionet e Holtës dhe mënyrën se si po veprohet për nxjerrjen e tyre.
Çako bën me dije se të bllokuar në Kanionin e Holtës janë një djalë, një vajzë dhe një burrë rreth të 50-ave. Bllokimi i tyre, është shprehur Çako, ka ardhur si pasojë e prurjeve të shumta të ujit.
Çako thotë se situata është nën kontroll, asnjë prej turistëve të bllokuar nuk është lënduar dhe se të gjitha autoritetet janë në gadishmëri të plotë duke filluar nga ambulanca, Forcat Renea, polumbarë, etj.
