Prej një kohe të gjatë, në kryeqytet janë organizuar dhe vazhdojnë të organizohen aktivitete të ndryshme për argëtimin dhe kalimin e një kohe të mirë për qytetarët. Aktivitete të tilla kanë qenë nga më të ndryshme, si koncerte, “fan zone”, shfaqje akrobatike etj, të cilat janë mirëpritur nga ana e qytetarëve. Gjë e cila shihet nga pjesmarrja e lartë që kanë pasur këto aktivitete.
Kjo është diçka mjaft poztive, pasi i jep mundësinë të gjithëve të shkëputen disia nga monotonia e përditshme, apo të kalojnë një kohë të lirë qetësuese dhe argëtuese. Thuajse gjithmonë, ose më saktë në shumicën e rasteve, disa ditë përpara zhvillimit të këtyre aktiviteteve, vendosen dhe afishohen foto e slogane të ndryshme për lajmërimin e zhivillimit të tyre.
Por jo vetëm, pasi të tilla apo dhe shirita njoftues, përdoren edhe për ngjarje të ndryshme, siç mund të jenë për bllokim aktiviteti të një biznesi.
Pra shirita apo postera informues të cilat policia i vendos për të njoftuar qytetarët për ndalim kalimi apo për ndonjë ngjarje apo bllokim të kryer
Mesa duket tani është nevoja për rimarrjen e këtyre të fundit. Drejtoria e Përgjithshme e Taksave dhe e Tarifave Vendore në kryeqytet, do të zhvillojë një tender për to blerjen e materialeve për bllokim aktiviteti. Dokumentacioni për të është dorëzuar ditën e sotme, datë 01.10.2018 në Agjensine e Prokurimeve Publike. Në njoftimin e saj bëhet me dije se ky tender do të zhvillohet ditën e nesërme dhe përfundon pas 2 ditësh, pra në datën 03.10.2018.
Ajo çfarë bie në sy është fakti se në dokumentin e dorëzuar thuhet se data e zhvillimit do të jetë në 03.10.2018 në orën 09:00, e ndërsa në njoftimin e dhënë thuet se do të hapet në datën 02.10.2018 në orën 07:00 në orën 09:00 dhe në datën 03.10.2018 do të mbyllet.
Ndoshta gjithçka brenda garuesve pjesmarrës mund të mbyllet brenda një apo dy orësh, dhe nuk është nevoja për 26 orë. Të paktën kjo mund të nënkuptohet. Por jo vetëm kaq, pasi po ashtu diçka tjetër që mungon në dokumentin e dorëzuar është data, numri i protokollit, si dhe fondi i limitit, pra shuma monetare që do të përdoret.
Dokumenti i plotë:
