Deputeti i opozitës së re, Alban Zeneli ka zhvilluar një takim pune në New York, me Anthony Scaramucci, ish-zëdhënësi i Presidentit amerikan Donald Trump, dhe një nga miliarderët e Wall Street.
Zeneli shkruan se ka biseduar me zt. Scaramucci edhe për situatën me të cilën kalon Shqipëria dhe “nevojën për një opozitarizëm substancial të së djathtës”.
“Koha për bashkëpunim të ngushtë me SHBA. Shqipëria me SHBA, kjo është motoja jonë”, thotë Zeneli.
Anthony Scaramucci është një biznesmen shumë i suksesshëm në SHBA apo i njohur ndryshe edhe si “Djaloshi Miliarder” i Wall Street.
Anthony Scaramucci është pronari i Skybridge, autor i suksesshëm librash, njëri ndër personazhet mediatikë më të njohur në SHBA, i angazhuar politikisht në bërthamën e Partisë Republikane në SHBA.
Anthony Scaramucci ka shërbyer për 11 ditë edhe si Zëdhënësi i Shtëpisë së Bardhë dhe Presidentit Donald Trump.
