I dërguari i Shtëpisë së Bardhë për bisedimet Kosovë-Serbi, Richard Grenell ka reaguar sot me anë të një mesazhi në rrjetet sociale pas deklaratës së bërë nga ish zv. presidenti amerikan, Joe Biden, ku akuzon administratën aktuale se nuk ka arritur të koordinojë veprimet e duhura me të dërguarit e Bashkimit Evropian në këto bisedime.
“Sot, Joe Biden e ka bërë çështjen e bisedimeve një çështje të zgjedhjeve presidenciale amerikane. Me anë të një veprimi të tillë, ai nuk bën gjë tjetër veçse i thotë publikut se asgjë nuk do të ecë përpara deri në nëntor dhe se popujt e Kosovës dhe Serbisë duhet të presin–sërish–që politikanët të mos i përdorin më ata”, tha zyrtari amerikan.
“Në ndryshim me praktikën e zakonshme të ndjekur nga Biden, ku ka vetëm fjalë dhe asnjë veprim, administrata e Trumpit është mjaft e vendosur për normalizimin e marrëdhënieve ekonomike mes Kosovës dhe Sërbisë. Për këtë qëllim, Presidenti Trump ka mbikëqyrur nënshkrimin e tri marrëveshje të suksesshme mes Beogradit dhe Prishtinës që lidhen me transportin ajror, hekurudhor dhe atë rrugor. Me pak fjalë, Presidenti Trump ka dhënë mjaft rezultate”, ka thënë Grenell.
Sipas zyrtarit të lartë amerikan, tetë vitet e administratës Obama-Biden nuk kanë të krahasuar me veprimet e ndërmarra nga Trump gjatë mandatit të tij në Shtëpinë e Bardhë. TemA
