Pavarësisht ndalimit të bërë nga kryeministri Ramush Haradinaj, presidenti serb Aleksandër Vuçiç, është nisur në drejtim të Drenicës për të vizituar fshatin Banjë të Skenderajt.
Siç raportojnë mediat serbe, Policia e Kosovës e ka ndaluar automjetin në të cilin është presidenti Vuçiç duke mos e lejuar për të shkuar në Banjë.
‘Novosti’ shkruan se presidenti Vuçiç ka biseduar me policët, duke tentuar që të vazhdojë rrugën.
‘Në rrugën Zubin Potok-Banjë, Policia e ndaloi presidentin serb. Ka një debat të vazhdueshëm mes policëve dhe presidentit.
Ai u njoftua që bllokadat janë rreth 2 kilometra, dhe nuk ka siguri për ta vazhduar rrugën’, shkruan gazeta serbe Telegraf.
Por duket se në fund edhe vetë Vuçiç është bindur që të mos e vazhdojë më rrugën drejt Banjës, duke e anuluar vizitën e tij.
