Rritet sërish numri i bluzave të bardha në Itali që humbin jetën nga koronavirusi. Deri tani janë 94 mjekë dhe 26 infermierë që nuk ia kanë dot në luftën e vështirë përballë COVID-19.
Italia deri tani është e shteti i parë në botë për sa i përket viktimave nga koronavirusi, duke kapur shifrën e 17.127. Vetëflijimi për të shpëtuar pacientët është vlerësuar pa masë nga presidenti italian, Sergio Mattarella, i cili i ka dërguar një mesazh falënderues bluzave të bardha në Ditën Botërore të Shëndetësisë.
“Mirënjohje për infermierët në linjën e parë, si dhe për mjekët, asistentët dhe studiuesit. I kemi parë të punojnë deri në pikën e fundit të fuqisë së tyre për të shpëtuar jetë njerëzore dhe shumë prej tyre e kanë paguar me jetë”, tha ai.
