Dita e sotme ,ndonëse supozohej të ishte një ditë e qetë duke qënë se edhe festohet nga shumë qytetarë, ka përfunduar tragjike për disa të tjerë.
Bilanci i kësaj të marte raporton për katër të vdekur, tre aksidente dhe një zjarr në një çerdhë në kryeqytet.
Çfarë ndodhi sot:
Aksident në Fier, vdes gruaja shtatëzënë plagosen 4 persona
Një aksident i rëndë automobilisik është shënuar në orët e paradites në aksin rrugor Fier – Levan. Nga përplasja e dy automjeteve, një grua shtatzënë, e identifikuar si Majlinda Troka, 26 vjece ka humbur jetën, ndërsa i plagosur rëndë është fëmija i saj 5 vjecar si dhe tre persona të tjerë që ndodheshin në automjetin tjetër.
Dyshohet se automjeti tip Benz që vinte nga Fieri për në Vlorë ka hyrë në parakalim të gabuar duke përplasur mjetin tip Audi që drejtohej nga vjehrri viktimës, Astrit Troka.
Edhe pse ky i fundit ka ulur shpejtësinë përplasja ka qenë fatale duke i marrë jetën gruas shtatëzënë 6 muajshe si dhe ka plagosur rëndë fëmijën e saj. Tre të plagosurit paraqiten jashtë rreziku për jetën, mjekët thonë se në gjendje të rëndë vijon të jetë fëmija.
Policia ka nisur hetimet për këtë ngjarje të rëndë ndërsa mësohet se mjeti me të cilin udhëtonte viktima drejtohej nga shtetasi Astrit Troka .
Vdes 25 vjeçarja në spital
Një shtetase shqiptare, e moshës 25 vjeçe ka humbur jetën për shkaqe natyrale në QSUT në kryeqytet, ndërsa ishte transportuar nga Fieri për në Tiranë për një mjekim më të specializuar.
Librazhd, autobuzi me turistë i “shpëton” humnerës
Një autobus me turistë aksidentohet në Lunik të Librazhdit, ndërsa udhëtonte drejt Fushë Studen.
Shoferi e ka përplasur autobusin me një shkëmb në pjesën e sipërme, duke rrezikuar që mjeti të të dalë nga rruga dhe të bjerë në humnerë.
Fatmirësisht të gjithë turistët kanë shpëtuar pa lëndime, ndërsa autobusi ka marrë dëmtime.
Sarandë, vdes pushuesi 47 vjeçar
Një tjetër ngjarje e rëndë është shënuar në plazhet shqiptare. Sipas informacioneve sot është njoftuar spitali i Sarandës për një urgjence tek plazhi “Delfini” në rrugën Turizëm, Kanali i Çukës në Sarandë.
Mësohet se një shtetas i ndodhur në breg ka humbur jetën. Miri Hasllani, 47 vjeç nga Durrësi dhe nënshtetësi italiane është paraqitur ne spitalin e Sarandes në gjendje terminale me diagnoze fibrilacion ventrikular, propabel infarkt akut miokardi.
Lezhë, Familjarët gjejnë trupin e pajetë të 29-vjeçarit në rezervuar
Një djalë i ri ka humbur jetën këtë të martë në fshatin Krajen të Lezhës. Mësohet se 29-vjeçari ka ndërruar jetë si pasojë e mbytjes në ujë. Nga veprimet e para të policisë, rezulton se i riu është gjetur i pajetë, pa shenja dhune. Viktima me inicialet B. L po notonte në një rezervuar uji pranë banesës së tij dhe është gjetur mëngjesin e sotëm nga familjarët.
Merr flakë çerdhja në Tiranë
Mbrëmjen e sotme çerdhja nr 16, në rrugën “Nikolla Tupe” është përfshirë nga flakët. Ambienti i kthyer në çerdhe ndodhet në të njëjtën godinë me zyrat e njësisë bashkiake numër 5.Nga të dhënat e deritanishme dyshohet se zjarri ka ardhur për shkak të një defekti që ka patur frigoriferi i çerdhes.
Përgatiti: AlpeNews.al