Ministria e Shëndetësisë në Greqi ka publikuar shifrat e fundit sa i takon situatës së koronavirusit në vend.
Shihet një rritje e frikshme e rasteve të reja ditore dhe numrit të viktimave. Gjatë 24 orëve të fundit janë regjistruar gati 2700 raste pozitive, thuajse 1000 më shumë se ditët më përpara.
Edhe numri i viktimave është rritur ndjeshëm, nga 30 që ishte një ditë më parë, në 40 sot.
Nga ana tjetër edhe në Maqedoni janë raportuar shifra të larta të Covid, me 802 raste të reja dhe 5 viktima në 24 orë. Dje ishin 726 raste dhe 7 viktima.
