Gjatë mesnatës së sotme ashtu siç dhe ishte parashikuar në disa zona të vendit ka pasur reshje bore dhe ulje temperaturash nën zero.
Kështu këtë mëngjes tuneli i Rrugës së Kombit në Kukës është mbuluar nga reshjet e para të dëborës. Për momentin rruga është e kalueshme nga automjetet.
Në rrethin e Korçës ka patur reshje të dendura bore, niveli i së cilës ka arritur në qytet 5 cm dhe në fshatra trashësia e borës ka arritur deri në 30 cm.
Në disa akse rrugore ka patur probleme me qarkullimin për shkak të borës, ku më problematik ka qenë aksi Korçë-Ersekë, pasi në qafën e Qarrit trashësia e borës ka arritur deri në 20 cm dhe po punohet për pastrim e rrugës.
Reshje bore ka patur edhe në fshatrat turistikë të Voskopojës ku trashësia ka shkuar në 10 cm dhe në Dardhë deri në 30 cm, ku po punohet për kriposjen e akseve rrugore.
Policia bën thirrje që drejtuesit e mjeteve të bëjnë kujdes edhe në aksin Korçë-Dardhë dhe Korçë-Ersekë është ende i domosdoshëm përdorimi i zinxhirëve.
Konkretisht probleme në qarkullimin e mjeteve kanë akset:
Korçë-Qafë Thanë
Korçë-Ersekë
Korçë-Kapshticë
Korçë-Prespë