Ministrja e Shëndetësisë Ogerta Manastirliu ka bërë një apel të fortë për të gjithë qytetarët që të respektojnë masat kundër përhapjes së Covid.
Manastirliu ka theksuar se kjo është një betejë e gjatë me virusin me të cilën do të përballemi edhe në vijim.
Sakrifica e vetme që na kërkohet thotë ministrja, është që të jemi më shumë vigjilentë në përditshmërinë tonë. Ndërkaq apelon që të shmangen festat familjare të cilat janë kthyer në një burim rreziku.
“Beteje e gjatë… Ne po përgatitetmi për të përballuar situatën e vjeshtë dimrit. Nga krijimi i çadrave lëvizëze te fuqizimi i kapacatieteve rajonale.
Duhet të zbatojmë masat e thjeshta dhe të kemi me vete armët për ta mposhtur virusin, kudo ku jemi .
Sakrifica e vetme që na kërkohet është të jemi më shumë vigjilentë në përditshmërinë tonë.
Ajo çka kërkohet për secilin prej nesh është që të jetojmë ditën si të përgjegjshëm.
Të heqim dorë nga grumbullimet dhe nga festat, që janë kthyer në vatra kryesore të përhapjes së infeksionit.
Si një mjet për të treguar dashurinë duke i mbrojtur. Kudo në çdo ambient të mbyllur, të zbatojmë rregullat e higjienës”, thotë ajo.