Mbyllni veshët se ka shumë zhurmë!
Fero është reperi i ri fama e të cilit po rritet ndjeshëm. Prej disa muajsh ai ka lajmëruar se do publikonte një projekt të ri nën titullin “Gang Gang” dhe kanë qenë të shumta videot e postuara nga ai në rrjetet sociale ku bërtet pikërisht “Gang Gang”. Fero e publikoi para disa ditësh këngën e tij dhe në pak kohë ajo numëron mbi 1.5 milion klikime.
Por siç duket fenomeni “Gang Gang” nuk i paska shpëtuar as Bes Kallakut i cili ka publikuar një video në Instagram ku shfaqet së bashku me Feron dhe ky i fundit thotë këtë shprehje të tij duke e ngritur shumë zërin.
Sigurisht që nuk mund të mungonte edhe komenti i Ermal Mamaqit, i cili e ka quajtur si “Virusin e 2018-ës”, nisur nga fakti se shumë video meme janë bërë me shprehjen “Gang Gang” të Feros.
