Ish kryeministri Sali Berisha, në një reagim ironik në Facebook, shprehet se Edi Rama gënjeu kur servili si të vetin projektin e spitalit të Traumës në Tiranë.
“Qendra e Traumës është një projekt i qeverisë së mëparshme me Kooperacionin Italian, për të cilën kjo qeveri nuk ka dhëne as dhe një gozhdë”,shprehet Berisha.
Reagimi i ish kryeministrit
Rama:Amnesia, amnesia, amnesia, ose i rrjedhur totalisht!
Pritet që një të diele t’u thotë shqiptareve “Mirëmëngjes, Rroftë Sali Berisha!”
Të dashur miq, Rama si zakonisht çeli ditën me mashtrimin e radhës. Ai u serviri qytetareve si projekt të vetin Qendrën e Traumës në Spitalin Ushtarak, me të cilën qeveria e tij nuk ka asnjë lidhje. Qendra e Traumës është një projekt i qeverisë së mëparshme me Kooperacionin Italian, për të cilën kjo qeveri nuk ka dhëne as dhe një gozhdë.
Ky njeri mesa duket ka humbur memorien dhe i ka filluar rrjedhja e plotë.
Po vazhdoi kështu, së shpejti në ndonjë të diel do harroje dhe i lajthitur do t’u thotë shqiptareve “mirëmëngjes po ju përshëndes me një rroftë Sali Berisha!”
Natyrisht, kur nuk tregon dot asgjë tënden kjo të mbetet, por… kujdes!! sb