Presidenti turk Rexhep Tajip Erdogan i ka bërë thirrje Azerbajxhanit që të vazhdojë luftimet me Armeninë deri sa të dalë triumfues.
“Azerbajxhani ka çliruar tashmë një territor të gjerë. Shpresoj se do të vazhdojë luftimet derisa të gjitha tokat e tij në Karabak të lirohen,” tha Erdogan.
AI u shpreh se Turqia mbështet “Azerbajxhanin miqësor dhe vëllazëror në të gjitha mënyrat e mundshme” dhe do të vazhdojë ta bëjë këtë në të ardhmen.
Ndërkohë kryeminsitri armen Nikoll Pashinyan tha se dalja e Turqisë nga Kaukazi Jugor do të ishte një kusht i domosdoshëm për paqen në Karabak.
Pashinyan deklaroi se Jerevani ka prova se ushtria turke po kontrollonte operacionet ushtarake të Azerbajxhanit në Nagorno-Karabak dhe sugjeroi që Ankaraja të dëbohej nga Organizata për Sigurinë dhe Bashkëpunimin në Evropë (OSBE).
