Një muaj më parë Bes Kallaku i ftuar në “Shiko kush luan”, u shpreh: “Enca bën për ballkon, Bleona për profesionalizëm”. Menjëherë Enca reagoi me disa video në Instastory ku tregoi se Besi i kishte ofruar rol kryesor në filmin e tij, por ajo kishte refuzuar.
Ndër të tjera Enca u shpreh: “Jam e zhgënjyer si kolege, por mërzitja ime tjetër ishte edhe seksualizimi i një femre nga ana e tij, mbi të gjitha për një kolege, mbi të gjitha kur vjen nga një person që është bashkëshort, baba, biri i një femre dhe mbi të gjitha artist”.
Mirëpo këngëtares nuk i ka dalë inati dhe sot e ftuar në “Shiko kush luan”, ka folur sërish për këtë çështje.
“Bes Kallaku më kërkoi bashkëpunim për të pasur rol kryesor në filmin e tij. Unë nuk pranova sepse nuk kishte kuptim të merrja pjesë në dy projekte. Pastaj Besi në emision tha që unë nuk kam profesionalizëm. Për këtë arsye unë dhe Besi nuk do të bashkëpunojmë kurrë. Jo profesionalizëm për mua është kur i kërkon dikujt bashkëpunim dhe pastaj të flasësh keq për të”, tha Enca dhe bëri një thirrje: “Ne duhet të jemi shumë dashamirës ndaj njëri-tjetrit, veçanërisht ne që bëjmë art dhe që e dimë sesa shumë lodhje kemi për projektet”.
