Kryetari i Partisë Popullore në Serbi, Vuk Jeremiç, ka deklaruar se partia e tij nuk do ta njohë kurrë pavarësinë e Kosovës, duke kritikuar qeverisjen e Serbisë ne vitet e fundit, që është futu në negociata me Kosovën.
Ai u bëri thirrje zyrtarëve, anëtarëve dhe aktivistëve të Partisë Popullore të flasin me bashkëqytetarët e tyre në të gjithë Serbinë dhe të paraqesin programin e partisë, ku një nga pikat është edhe mosnjohja e Kosovës.
“Shtylla kurrizore e programit tonë është një ekonomi e bazuar në sipërmarrjen private vendase, në vend të ekonomisë aktuale të partisë. Ne duam që Serbia të organizohet si një shtet modern evropian, si Republika Çeke ose Austria. Ne besojmë se detyra më e rëndësishme e shtetit është të sigurojë sigurinë, rendin, shtetin e së drejtës dhe drejtësinë shoqërore. Ne do të mbështesim pa kompromis barazinë dhe lirinë e zgjedhjes dhe fjalës së të gjithë qytetarëve të Serbisë. Në fund, qëndrimi ynë i qartë është se Serbia nuk duhet kurrë dhe në asnjë formë të njohë Kosovën dhe Metohinë si një shtet të pavarur”, tha Jeremiç.
