John Shkëmbi dhe Roen Xharo janë dy të rinj shqiptarë që janë pranuar në Akademinë Detare të West Point në Shtetet e Bashkuara të Amerikës.
Ambasada Amerikane në Tiranë i uron suksese dy Kadetëve dhe sot ka organizuar një ceremoni në nder të tyre, ku Johnit dhe Roenit u është dhënë certifikata e pranimit në Akademinë Amerikane. Një mesazh atyre u ka dhënë dhe diplomatja e lartë e SHBA-ve në Tiranë Yuri Kim, e cila u ka thënë të bëjnë krenare Shqipërinë e të sjellin njohuritë e tyre në atdhe.
“Urime John Shkëmbit për pranimin e tij në akademinë West Point dhe Roen Xharos, i cili do të ndjekë Akademinë Detare të Shteteve të Bashkuara duke filluar nga vjeshta. Kjo arritje e madhe u festua me një ceremoni në Ambasadën Amerikane në Tiranë, ku Ambasadorja Yuri Kim dorëzoi certifikatat e pranimit dhe u takua me familjet e tyre. Këta dy të rinj të jashtëzakonshëm shqiptarë do t’u bashkohen një grupi elitar studentësh të huaj për të studiuar në akademitë ushtarake të Shteteve të Bashkuara. Secili nga institucionet pranon vetëm 15 studentë të huaj çdo vit. Ne u urojmë atyre suksese, ndërsa Ambasadorja Kim i nxiti Kadetët që ta bëjnë Shqipërinë krenare, e të sjellin njohuritë dhe sensin e tyre të shërbimit dhe detyrës në Shqipëri, për të na ndihmuar të qëndrojmë krah për krah si aleatë në NATO”, thuhet në njoftimine Ambasadës së SHBA në Tiranë.