Pas të ftohtit që ka përfshirë jo vetëm Shqipërinë, por edhe Evropën Perëndimore, sinoptikanët italianë parashikojnë ardhjen e një pranvere të nxehtë.
Sipas sinoptikanëve një masë ajrore e re pritet të shkaktojë një rritje të menjëhershme të temperaturave, sidomos nga fillimi i javës që vjen.
Sipas mediave italiane, nga 26 marsi deri në 1 prill do të kemi pranverë, mbase me temperaturat e verës, pasi erërat jugore do zëvendësojnë rrymat e ftohta lindore.
Rryma e ngrohtë e quajtur “Hanibal” do ngrohë ndjeshëm Mesdheun, përfshirë edhe Shqipërinë, ndërsa temperaturat maksimale parashikohet që do kapin vlerën 33 gradë celsius në disa rajone, ndërsa në vendin tonë 31 gradë.
